BIBLIOCHISPI / C.E.I.P. A LAXE - MARÍN

LOBOFEROZ

2012-01-19T10:18:00.000+01:00

Dramatización realizada polos nenos e nenas de 6º curso de E.P. baseada no conto Loboferoz de OQO editora.

Crear, o pracer de Isaac Diaz Pardo(1920-2012)

2012-01-13T20:14:00.001+01:00

http://www.youtube.com/watch?v=gH1iJYBut6U

2011-12-04T20:15:00.001+01:00

Agasallos que hai que ir pensando

MAMA CABRA - Xa me tardan estes Magos from merlo branco producións on Vimeo.

2011-11-23T22:02:00.001+01:00

BIBLIOTECAS ESCOLARES EN TRÁNSITO
Vídeo rodado en centros do Plan de mellora de bibliotecas escolares de diferentes recunchos de Galicia, co gallo do Congreso Bibliotecas Escolares en Tránsito, celebrado en Compostela os días 10, 11 e 12 de novembro, organizado pola Consellería de Educación en colaboración co Ministerio de Educación. As imaxes exemplifican a distribución de espazos nas novas bibliotecas, e algunhas das actividades que o alumnado realiza nelas día tras día.
Biibliotecas Escolares en Tránsito [GAL] from Bibliotecas Escolares de Galicia on Vimeo.

UN SOÑO REPARADOR

2011-08-20T22:04:00.004+02:00

Os compañeiros e compañeiras de Carlos Prieto Lage, que este curso forma parte do noso claustro queremos felicitalo polo galardón que acadou o seu cole do curso pasado o CEIP Marcos da Portela no Certamen OUFF Escola del Festival de Cine Internacional de Ourense
Trátase do premio Blanco Amor ao mellor guión coa curtometraxe UN SOÑO REPARADOR
que invítanos a toda a comunidade educativa a reflexionar sobre o acoso escolar.

Noraboa a tódolos seus protagonistas por un bo traballo, feito ademais!!EN GALEGO!!

É a segunda vez que se recoñece un proxecto do que forma parte este mestre, que xa resultou premiado no 2010 no mesmo certame, con “A maldición do Samaín” coa participación do alumnado do CEIP Carballeira.

SANTA PACIENCIA

2011-07-01T22:29:00.002+02:00

A través da Biblioteca Vctor Saenz, chéganos este artículo de Manolo Rivas

A INSOPORTABLE LEVEDADE DAS BIBLIOTECAS

2011-06-01T17:34:00.002+02:00

Nesta dirección atoparás o texto que recolle o malestar da inmensa maioría dos que vivimos os obxectivos das bibliotecas escolares, diante da previsible desaparición de formadores específicos no noso ámbito e o que este feito conleva e significa
https://docs.google.com/document/pub?id=1ezgStaYKUzoU8n-r8kOjKCHlo8nHhD8lMn8QtLdryTs
Neste vídeo amósase a minoría que somos e o poco interesados/as que estamos en formarnos

Encontros Plan de mellora de bibliotecas escolares 2011 from Bibliotecas Escolares de Galicia on Vimeo.

"SALVAR UN LIBRO"

2011-05-19T20:19:00.005+02:00

Coa coordinación e o tempo que Montse, Sabela e Charo adican non só dende os seus centros de traballo sae esta estupenda colaboración entre bibliotecas escolares de toda Galicia perncentes ao Plan de Mellora de Bibliotecas.

LETRAS GALEGAS. SALVANDO LIBROS

SALVANDO LIBROS

Que libro salvarías ti?

Esta exposición xorde dun traballo colaborativo entre 96 bibliotecas escolares galegas e pretende ser unha chamada de atención sobre a importancia de apreciar, coidar e manter o noso patrimonio cultural escrito.

Pretendemos difundir a idea de que é imposible destruír os libros e os valores que neles se transmiten se somos quen de conseguir que formen parte de nós para sempre.

Maio 2011

Queremos dar moi especialmente as grazas a Jaime Eizaguirre Santillán, ex-alumno do IES Sánchez Cantón, que unha vez máis deseñou estes carteis tan fermosos para facer posible a actividade.

Podedes ver o perfil de Jaime, arquitecto e debuxante, aquí

e algunhas das interesantes cousas que fai aqui

e tamén aquí….

Grazas de novo, Jaime, pola túa xenerosidade

Moitísimos libros están a ser salvados nas nosas bibliotecas, que organizan as súas propias exposicións e actos.

Esta é só unha pequena escolma dos que representan a cada un dos centros que participaron na actividade.

Salvar un libro consiste en aprender de memoria un pequeno fragmento para simbolizar a asimilación de todo o seu contido. Entón xa seremos unha persoa-libro e poderemos preservalo para sempre.

A idea está baseada na obra de Ray Bradbury “Fahrenheit 451”.

Esta é a escolma de libros que representan aos centros de Educación Infantil

Open publication - Free publishing - More biblioteca

Esta é a escolma de libros que representan aos centros de Educación Primaria

Open publication - Free publishing - More biblioteca

Esta é a escolma de libros que representan aos centros de Ensino Secundario e algúns persoeiros relacionados co mundo das letras e a cultura

Open publication - Free publishing - More carteles

ESTA ACTIVIDADE FOI COORDINADA DESDE AS BIBLIOTECAS ESCOLARES:

IES LUIS SEOANE DE PONTEVEDRA

ESCOLA UNITARIA DE VIDE

Edit this page (if you have permission)–Published by Google Docs–Report Abuse–Updated automatically every 5 minutes

ANA ALONSO E PIZCA DE SAL

2011-04-05T18:42:00.004+02:00

Non sei si seremos quen de esperar polas novidades desta colección. Os nenos e as nenas amosaron coas súas preguntas e comentarios o que disfrutaron coas súas obras.

"Animando" a sensibilidade lectora

2011-04-05T18:01:00.002+02:00

Hoxe, Fina Casalderrey regalounos o que nos faltaba para achegarnos a súa obra, a sensibilidade que a inspira, a súa capacidade de observar, escoitar e poñerse na pel dos outros. O micro (desexámoste unha pronta recuperación) non nos librou da duzura con que narras o que necesitamos escoitar, palabras que nos encantan.

QUEREMOS GALEGO

2011-03-22T14:02:00.001+01:00

Queremos Galego Marín organiza este vindeiro xoves 24/03/11 ás 20h30 no Museo Manuel Torres a mesa aberta: "Literatura infantil e xuvenil en galego!", contaremos coa presenza de: FINA CASALDERREY, ADOLFO CAAMAÑO E ELENA GALLEGO, moderará a nosa compañeira MABEL SANTIAGO ESPERÓN, mestra do CEIP A Laxe (Marín).

Trátase dun encontro con autoras e autores que están ligadas e ligados ao noso concello ben por motivos laborais ou de residencia; unha charla informal para que estes tres titáns da literatura infantil e xuvenil galega falen da súa experiencia, porqué fan literatura en galego, como ven a situación actual da nosa lingua, o avance das novas tecnoloxías......ademais do que vos, amigas e amigos da lingua, queirades aportar ou preguntar.

Para coñecelas e coñecelo melor, recomendo as seguintes ligazóns:

Adolfo Caamaño: Tamén aquí

Elena Gallego: Tamén aquí

Fina Casalderrey:

VÉMONOS O XOVES!!

A VIDA NO BOSQUE

2011-02-01T16:36:00.006+01:00

O blog da Biblioteca de Quintela de Moaña segue a ser o noso referente en moitas das actividades que se poden levar a cabo nunha biblioteca escolar Aquí vos deixamos uns estupendos recursos
O ano 2011 foi declarado o Ano Internacional dos bosques pola Asamblea Xeral das Nacións Unidas (ONU). A idea é aumentar os esforzos por recuperar e conservar os bosques.

Este vídeo do sendeiro do río da Fraga, en Moaña, ten fermosas imaxes de algúns tramos do rio

Na páxina de contidos da XUNTA poderás divertirte e aprender moitas cousas sobre o bosque

INFANTIL E PRIMEIRO CICLO
http://www.edu.xunta.es/contidos/inf/Bosque/In.swf

Para 2º e 3º Ciclo, entra en Edufores (Programa de Educación forestal), e xoga. Hai moitos xogos, para loitar contra o lume, xogos de verdadeiro ou falso, crebacabezas de animais e de árbores, xogos de arrastrar,..
http://www.edufores.com/

INOCENTADAS POR ÁREAS, INOCENTADAS LITERARIAS

2010-12-17T13:20:00.004+01:00

Trola, paparrucha, farsa, embuste, mentira, farol... o alumnado do cole está decidido a que caiamos nalgunha das súas inocentadas. E a verdade que é moi facil porque por aquí todos somos un pouco INOCENTES!

UN DESEXO, UN XOGUETE, UNHA SORPRESA....UN LIBRO !!!BO NADAL!!!

2010-12-12T21:18:00.010+01:00

KATHIE

Usted ha dicho mediocre, mediocridad. ¿No es éste un juego también demasiado mediocre?

SANTIAGO

Tal vez lo sea Kathie. Pero, al menos, no hemos perdido la imaginación, los deseos. No debemos dejar que nos quiten este juguete porque no tenemos otro.
"Kathie y el hipopótamo",Mario Vargas Llosa

Conecta os altofalantes, a música se suma á maxia do
"ÉRASE UNHA VEZ..." de Benjamín Lacombe. Edelvives

Il etait une fois - Benjamin Lacombe from B&C on Vimeo.

VARGAS LLOSA, un nobel "acurrucado á sombra das novelas"

2010-12-12T20:22:00.005+01:00

No seu discurso menciona con especial cariño o papel que representou o teatro no seu devenir literario, por iso a nosa recomendación neste caso para adultos,vai ser un título da súa obra neste xénero:
Kathie y el hipopótamo (editorial Seix Barral, 1983

En palabras do propio autor, "el "tema profundo" de Kathie y el hipopótamo son "las relaciones entre la vida y la ficción", al hilo de los diálogos y las figuraciones suscitadas por una situación inicial: "En un París de pacotilla, un hombre y una mujer se ponen de acuerdo para, dos horas cada día, dedicarse a mentir":
A acción desenvólvese no desván dunha casa situada en Lima (Perú), onde unha muller (Kathie) de clase social alta desexa plasmar nun libro as súas viaxes por diferentes lugares de Asia e África. Para elo contrata a Santiago Zabala con quen establece un diálogo relativo á narración grabada previamente en cinta que se alterna, ao longo da obra, coa propia redacción do libro.

Nesta obra teatral, Mario Vargas Llosa realiza unha reflexión sobre como xurden os relatos e a maneira na que o cerebro humano válese da imaxinación para crear ou completar historias que nunca han ocurrido na vida real.

OUTUBRO, MES INTERNACIONAL DAS BIBLIOTECAS

2010-10-07T21:59:00.004+02:00

Co este estupendo video, a biblioteca do cole quere darche a benvida neste curso.
!!Atoparás a mellor das acollidas!!e poderás comprobar que a motivación para ler tamén sae do corazón
Grazas Cristina(asesora des bibliotecas escolares)

Questions of the Heart from Rachael Harrington on Vimeo.

Hansel e Gretel en Marín

2010-05-28T11:36:00.004+02:00

Alba Sanmartín Carregal, de 4º, invítate a un paseo de conto pola nosa vila

Follarasca Uxío Novoneyra

2010-05-11T09:18:00.008+02:00

Escolma poética de Uxío Novoneyra fruto dun traballo colaborativo entre as Bibliotecas Escolares Vilán (IES Pedra da Aguia) e O Segrel do Penedo (IES de Fene) con motivo do Día das Letras Galegas (17 de Maio de 2010)
Grazas Emilio, Loly, Olga, Nine.

Grazas tamén ao noso ENDL polo dossier sobre Uxío e a magnífica exposición ao redor dos conmemorados/as nas Letras Galegas.

Follarasca ux

View more presentations from biblioteca escolar milladoiro malpica.

Lemos sobre a PAZ

2010-01-23T15:34:00.004+01:00

Na entrada da biblio poderedes atopar a bibliografia seleccionada ao redor desta conmemoración.

DIA DA PAZ 2010

2010-01-13T09:41:00.005+01:00

Grazas a "O Recanto de MIK" contamos con esta estupenda recopilación de actividades para o Dia da PAZ

Este video es de Toquinho, "Aquarela"

HORA DE LER

2009-12-19T15:16:00.001+01:00

Mitas grazas aos nenos e nenas de 3º, 4º 5º e 6º pola súa colaboración na hora ler deste Nadal. !!!Os/as mellores contacontos do mundo!!!

WIKIS

2009-12-18T13:01:00.003+01:00

Un novo xeito de traballo colaborativo que imos experimentar este ano

Crear wikis

View more presentations from Ana Ovando.

MARIN FAI ALGÚN TEMPO...

2009-12-10T16:25:00.006+01:00

¿En qué ano pensades que se fixeron estas fotos? ¿Por qué elixes esa data?

Pero...¿existe HAMELIN?

2009-12-01T16:48:00.008+01:00

Observa atentamente estas fotos.

Sí, pertecen á auténtica e real cidade de HAMELÍN, que atoparás si segues a ruta dos CONTOS DE FADAS.
¿¿¿Estará nun país moi lonxano???
Deixámosche está adaptación do conto orixinal para que comprobes que era un ciudadano comprometido coa reciclaxe. Moitas grazas aos autores

A HORA DE LER NOS XORNAIS

2009-11-30T16:41:00.005+01:00

Algo esta a suceder nos coles de Galicia...
Pica na foto ou no título e infórmate

ARTURO E CLEMENTINA

2009-11-23T10:56:00.006+01:00

Un conto a propósito do 25-N,Día Internacional contra a violencia de xénero.Grazas a Sabela e aldeatotal

Arturo e Clementina 2

View more presentations or Upload your own.

24 DE OUTUBRO DIA DAS BIBLIOTECAS ESCOLARES

2009-10-23T15:58:00.009+02:00

Este mes de outubro esta sendo de moito traballo para a nosa mascota, CHISPIÑA.

Primero deulles a benvida á biblioteca ao alumnado de Infantil que xunto cos de Primaria poideron estrear os novos carnets de lector/-a.

Chispiña devolveulles a visita e obsequiou os rapaces co primeiro boletín da Biblioteca e cun folleto informativo para os mestres e mestras.

E como este 24 de outubro está de aniversario o alumnado preocupouse de adicarlle felicitacións, tartas e ata unha canción propia grazas aos nenos e nenas de 5 anos e coa axuda da profe Mabel Por suposto non faltou en todas as aulas o "Parabéns para tí...".

A poesía da cidade

2009-09-29T09:36:00.010+02:00

"A min o que me gusta son as cidades.

As grandes e pequenas cidades.

As cidades da alma, invisibles.

As cidades do corpo, dolorosas.

As cidades dos mapas, sempre a man.

As cidades que visitei, tan eternamente.

As cidades en que vivín, permanecendo.

As cidades que non coñezo, misteriosas.

Cidades invisibles, dolorosas,

sempre a man, tan eternamente,

permanecendo misteriosas.

Cidades, en fin, do corazón."

"Cidades" de Fran Alonso
ilustrado por Pablo Otero. Xerais

"AS CIDADES"

2009-09-16T17:47:00.013+02:00

Este ano, dende o Salón do Libro de Pontevedra, propóñennos traballar con relatos relacioados coas "CIDADES". É todo un reto, porque queremos que moitas das actividades do centro xiren en torno a este tema.
Picando no título e grazas a "librosvivos.com" coñecerás cómo é por qué cambian as cidades co paso do tempo, os seus aspectos positivos e negativos... e dende esta información, seguro que entenderás mellor moitas das historias que atoparás na nosa Biblioteca

Por certo, se picas "aquí" poderás dar un pequeno paseo por MARÍN.

WEBQUEST SOBRE ASTRONOMIA

2009-05-11T09:31:00.004+02:00

!Astrónomos e Astrónomas del mundo, Chispiña rétavos a elaborar un cuestionario neste ano Internacional da Astronomía. Tódolos datos os tedes neste enlace:

http://www.phpwebquest.org/wq25/webquest/soporte_tabbed_w.php?id_actividad=81830&id_pagina=1

Ramón Piñeiro, homenaxe no Día Letras Galegas

2009-05-06T12:04:00.004+02:00

No Día das Letras Galegas, o 17 de maio, lembraremos a figura e a obra de Ramón Piñeiro López, unha vida adicada á cultura galega. Neste enlace via " O recanto de MIK" achegámonos á súa traxectoria.
http://www.timerime.com/timeline/75480/

Dia do libro

2009-04-23T09:13:00.009+02:00

Aquí vos deixo os enlaces para a resposta ao cuestionario do Día do Libro. !Ánimo!, tedes ata o 8 de maio para completalo.
DÍA DO LIBRO (preguntas 1,2,3):http://portal.unesco.org/culture/es/ev.php-URL_ID=5125&URL_DO=DO_TOPIC&URL_SECTION=201.html

CERVANTES E SHAKESPEARE
(Resto de preguntas)http://personal.telefonica.terra.es/web/poesiainfantil/libro.htm

SON DE POETAS

2009-04-22T12:40:00.003+02:00

Este 21 de marzo celebramos o Día da Poesía e a a través de "Planeta de Equipos de Normalización e Dinamización Linguística", descubrimos esta interesantísima ferramenta, nacida do ENL do IES David Buján de Cambre.
Trátase de Son de Poetas, antoloxía da poesía galega musicada.
Un blog no que podemos escoitar poemas cantados: Desde Alfonso X, ata Álvarez Blázquez, Novo Neira... Noraboa pola iniciativa e... GRAZAS.
CHOVE EN SANTIAGO
Madrigal á cibdá de Santiago. Federico García Lorca
Chove en Santiago,
meu doce amor.
Camelia branca do ar
brila entebrecida ó sol.
Chove en Santiago
na noite escura.
Herbas de prata e de sono
cobren a valeira lúa.
Olla a choiva pola rúa,
laio de pedra e cristal.
Olla no vento esvaído
soma e cinza do teu mar.
Soma e cinza do teu mar
Santiago, lonxe do sol;
ágoa da mañán anterga
trema no meu corazón.
García Lorca, Federico (1978) Seis poemas galegos (Madrid: Akal, )

ABRIL, MES DOS LIBROS

2009-04-14T21:56:00.006+02:00

Aquí tedes os libros presentados polo noso cole no Salón do libro e que teredes ao alcance da man, na vindeira Feira do Libro de Marín. !Non deixedes de visitala!

3 ANOS

4 ANOS

5 ANOS

3º CICLO

AMOR, AMOR,AMOR

2009-02-09T20:09:00.015+01:00

Xa estamos na semana grande: Salón do libro, 14 de febreiro... As historias de amor teñen un protagonismo especial esta semana, por iso vos invítamos a participar en varias actividades.
A saber:
1.-Botarlle unha ollada aos libros seleccionados para esta ocasión e que agardan por vós na biblio. Moitas e moi variadas son as historias de amor en préstamo.
Como sabemos que hai libros que vos gustan dun xeito especial e outros que non vos gustaron nada, queremos recoller as vosas suxerencias
Podedes escribilas no libro de visitas de Chispiña (premendo no seu debuxo, a esquerda,) en CONTOS DE VELLOS, ou ben por medio dun libro posto a vosa disposición na vosa hora de biblioteca.Se non tedes ordenador na casa !!!TEMOS UN CENTRO DE TELEFORMACIÓN NA BIBLIOTECA DE MARIN!!! UNHA CHEA DE ORDENADORES E LIBROS PARA DISFRUTAR E COMPARTIR RATOS CON CHISPIÑA.Por suposto dispoñedes tamén dos da biblioteca
2.-Dar resposta a este xogo elaborado polo CEIP Andrade de Ferrol, logo de ler un pouco sobre a historia da celebración de San Valentín (Pica no Título da entrada, arriba)
san_valentÍn.

Mooooooitas grazas pola vosa colaboración

CONSPIRACIÓN POLA PAZ

2009-01-29T15:50:00.005+01:00

PAZ?????????????

PAZ: PAM!. Balas. Confusión, asasinatos, bombas.

PAZ: PAF!. Golpes. Cambadelas da vida cotiá. Rancor. Violencia.

PAZ: PAZZZZZZZZZZZZZZZZZZZZZZZZZZZZZ. Soño. Sono indiferente da irresponsabilidade.

Non é un xogo. É a fraxilidade da palabra. Espello fiel da inestabilidade do seu significado.

Utopía imposíbel.

Palabra que xera poesía.

Poesía? Poesía e Paz.

Esta é a nosa proposta: un mundo reinado pola esperanza das palabras, palabras sublimes que permiten melodías, risos, soños... PAZ.

Xesto simbólico o das Bibliotecas Escolares, que novamente unen voces, azos e esperanzas. A través do mosaico que supón, por fin na nosa comunidade, a integración de diferentes cores, razas, linguas... chega a poesía capaz de expresar unha mesma arela. O frenesí da humanidade dominado pola forza da palabra. Unidos contra a ignominia da morte inxusta, das violacións das mulleres, da violencia extrema, da existencia dos nenos-soldado, da vinganza. Optamos polo silencio das palabras, da súa mudez. Porque a súa música festexe os días de coñecemento. Porque os aloumiños que desprenden estas balas sexan quen de recargar o porvir. Porque o nosos pentagramas debuxen as fusas non confusas da ilusión, do mañá cargado de bombas de papel. Papeis que falan de sorrisos, de amores, de xustizas. Papeis convertidos en poesía.

Hoxe, o noso alumnado, dende esas diferenzas que os converten en iguais, transfórmanse en trasnos portadores de equidade. Dende o pasado poético ao presente sonoro, ao futuro harmonioso.

TANQUES DE CARAMELO

ARMAS DE CARAMELO

O NOSO SOÑO

O NOSO DESEXO

A NOSA CONSPIRACIÓN

Get your own - Open publication

OBRADOIROS

2009-01-08T21:06:00.006+01:00

Os nenos e nenas non quixeron deixar de "traballar" ata o último minuto antes das vacacións de Nadal. Sabían que Papá Noel rondaba polo cole e esmeráronse moito en facelo ben nas actividades propostas polos/as profes.

EDUCACIÓN INFANTIL

1º CICLO+3º

2º/3º CICLO

FELIZ 2009

2008-12-18T21:43:00.003+01:00

O profesorado, o ANPA, Fernando, e o Equipo Directivo vos desexan unhas Felices Festas e un Próspero ano 2009. Grazas pola vosa creatividade e colaboración

CHISPIÑAS DE AMOR

2008-11-29T21:02:00.001+01:00

Aqui vos deixo unha selección da bibliografia relacionada coas historias de amor ás que nos achegaremos este curso

25 Novembro.Contra a violencia de xénero

2008-11-24T12:40:00.006+01:00

E EU QUÉ PODO FACER?
Aprende a resolver conflictos sen violencia. Coñece os teus dereitos. Non admitas ningún comentario que tente xustificar calquera tipo de control, agresión ou violencia contra a muller.
Contra o maltrato TOLERANCIA CERO.
INFÓRMATE.Fai clic no título. Esta é a dirección da Consellería de Igualdade http://www.xunta.es/auto/sg

RIMAS NA ESCOLA

2008-11-08T00:38:00.009+01:00

Outono,magosto,xogos, rimas, fermosos versos de Carmen Rey a mestra de 6º do noso cole e que tí podes acompañar cos teus pareados.Só tés que acudir ao noso Libro de visitas clicando na imaxe de Chispiña da esquerda ou ben escribilo tras picar no apartado de comentarios.O Blog de Chispiña so é posible coas vosas aportacións.

!CHEGOU O SAMAÍN!

2008-11-07T20:00:00.001+01:00

BICOS QUE SALVAN A VIDA

2008-11-06T00:33:00.008+01:00

¿Sabedes que é unha infografia?
A veces as imaxes axudan ás palabras a explicar o mundo que nos rodea. Se premes no título, unha infografia che mostrará cómo un especialista reanima o corazón cunha masaxe cardiorrespiratoria e o boca a boca.
No vínculo INFOGRAFIAS da esquerda, atoparás moitos máis exemplos extraídos da páxina xeb da revista Consumer/Eroski.

O CORAZÓN DA MAZÁ

2008-11-05T16:00:00.002+01:00

Invitados polo Equipo de Normalización Lingüística, acudiron ao noso cole algúns dos membros organizadores da Festa da Sidra en San Tomé, lugar do interior do noso concello.
O alumnado puido ver en directo o proceso inicial de elaboración da sidra e degustar o zume así coma outros productos como o marmelo, elaborados con mazás.
Dende a biblioteca acompañamos esta actividade cunha bibliografia seleccionada e a invitación a descubrir mazás famosas.

AGUSTÍN

2008-10-31T17:00:00.004+01:00

É o seu nome. Agustín Fernandez Paz. Acaban de darlle un premio porque escribe libros para vós. O Premio Nacional de Literatura Infantil y Juvenil 2008.O libro premiado titúlase "O único que queda é o amor". Xusto a temática elexida no Salón do libro deste ano. AS HISTORIAS DE AMOR, que son moitas é moi diversas e as que queremos achegarnos tamén no noso cole.
De Agustín, un escritor incansable poderás informarte polo miúdo, picando arriba no seu nome.

Lembrando a lenda da nosa mascota

2008-10-25T17:53:00.003+02:00

Outono namorado

2008-10-19T23:04:00.007+02:00

O OUTONO/EL OTOÑO/AUTUMN

"Está llegando el Otoño con su larga bufanda y su amor abrigado, el otoño huele a chocolate. Enciende los colores y nos invita a jugar..."El Otoño viene, nos deja todo su maravilloso encanto y se vá, en busca de su amada, ¿quién será? Editorial :Siete Leguas. Texto e Ilustraciones, Claudia Deglioumini

Un poco de cor por aquí, outro por alá e...

2008-09-09T20:27:00.001+02:00

Chispiña, axudada polos membros da ANPA, doulle cor á nosa biblioteca. ¿Haberá algunha outra sorpresa este curso?????

Os nosos contos

2008-07-23T03:36:00.009+02:00

Os nosos contos , quere ser un lugar de suxerencias e recomendacións das lecturas,as pelis e a música que estades a disfrutar.
Nesta sección, un pouco máis abaixo tedes o apartado de comentarios que os explica como redactalos e onde podedes opinar sobre eles e recomendárnolos (ou non).
Os comentarios dos nen@s de Infantil tamén son moi importantes( sobre todo se os escriben eles/as), pois Chispiña axúdanos coa traducción simultánea.
Moitas grazas polas vosas aportacións

O MAR 2007-08

2008-06-30T22:24:00.001+02:00

O Salón do libro 2008 invitounos a participar nesta edición adicada ao mar e aproveitamos para facer moitas actividades ó redor deste tema tan cercano para ó noso alumnado

Minimaladas matemáticas

2008-05-25T23:35:00.008+02:00

Pescudando nos libros que xogasen cos números nos seus textos, os alumnos de 6º atoparon no libro de Carlos López, unha forma divertida de achegarse á lectura e á escritura. E deseguido animáronse a reproducir algunhas das oitenta e catro mini historias que garda.
Se queres divertirte aínda máis non esquezas ler "Minimaladas" que ademáis acadou o "Premio Merlín 2007"

Xosé María Álvarez Blázquez

2008-05-08T20:31:00.015+02:00

Con motivo de celebración das Letras Galegas e a homenaxe a X. M. Álvarez Blázquez, os nenos e nenas están a traballar moito para que disfrutemos, durante a Semana Cultural, coas súas actuacións. Mentras, podemos achegarnos as súas obras escoitando algúns dos seus poemas musicados neste caso por Suso Vaamonde:
O pescador peleriño

-"Roseira do teu mencer", Edicións Monterrey, Vigo, 1950. -“O que ben che quer”.-2008.-Cartoné.-OQO. -"A pega rabilonga" e outras historias de tesouros, Editorial Castrelos, Colección O Moucho, Vigo, 1971. -“A pega rabilonga.Os ruíns.E outras historias de tesouros”.-2008.-Rústica.-161 páxinas.-Galaxia. -"Romance do pescador peleriño", Edicións Monterrey, Vigo, 1954.

AVANZAMOS

2008-05-07T21:08:00.009+02:00

Pouco a pouco imos achegándonos ao obxectivo que nos marcamos para este curso.
Os medios son limitados, pero a imaxinación e a creatividade do equipo da biblioteca é moita, e coa axuda dos nenos e nenas, do ANPA, de Fernando o noso conserxe, !isto vai máis rápido do que pensabamos!

ASÍ ERA A NOSA BIBLIOTECA

2008-05-07T10:33:00.009+02:00

Neste curso escolar 2007/8 cambiamos o "look" da nosa biblioteca: organizamos espazos, fixemos o expurgo dos fondos, adaptamos o mobiliario, e buscamos o xeito de crear un espazo acolledor...Este é so o comezo!

2008-05-06T16:40:00.013+02:00

O MAGO CALI VISÍTANOS NA SEMANA DAS LETRAS GALEGAS

...e preséntanos unha adaptación máxica do libro Amancio amigo e o Mago de Salamanca . Edicións Xerais de Galicia, 2006

Sinopse : Amancio Amigo, o rapaz protagonista desta novela, é un mozo do Courel que estuda en Salamanca. Está namorado da Susana, a filla do cacique. Pero Amancio é pobre e poeta. Unha tarde, co seu amigo Ze Escolarão visita a un taxidermista que vive na rúa da Bufarda, 666. Na fachada da casa enxérgase unha gárgola que representa a un demo botando a lingua. Os rapaces beben do viño que lles ofrecen e a partir dese momento deciden estudar para meigos nas covas de Salamanca. Para non verse obrigado a ficar como criado dos demos, o noso amigo ten que se enfrontar co terrible Meigo de Salamanca e cos seus axudantes, o profesor de informática Faustino Prósper, a Man Peluda, o robot diabólico e o Mestre Lionardo, un macho cabrún que sabe transformarse e botar o mal de ollo. Amancio ten que superar probas imposibles e para fuxir transfórmase nunha moto. Pero o terrible meigo convértese en motorista...

É a primeira entrega da serie de novelas de maxia, escritas por Xosé Miranda e ilustradas por Patricia Castelao.

Unha serie dirixida a lectores de once anos en diante.

Visita de Abraham Carreiro

2008-05-05T19:14:00.011+02:00

O próximo 22 de Maio visítanos o ilustrador vigués Abraham Carreiro. Na nosa biblioteca atoparedes alguns dos seus títulos. A charla versará sobre a elaboración de personaxes, expresións corporais, as cores e todo o que rodea o proceso da ilustración.

Na nosa biblioteca atoparedes a selección dos títulos cos que contamos.

GRANDES CONTRA PEQUENOS /. : A Nosa Terra, il. cor ; 22 x 25 cm.(Contos do Miño (A Nosa Terra))

A PEL DO CROCODRILO (da colección Contos que len outros nenos do mundo, Editorial: A Nosa Terra.

ENCONTROS CON CHISPIÑA

2008-04-21T18:07:00.007+02:00